Matko Djarmati u largua dje nga ekipi i Tiranës U-19, pas një aventure 1-mujore në drejtimin e bardhebluve.
Djarmati prishi kontratën me kryeqytetasit me konsensus, duke lënë vakant vendin e trajnerit.
I pyetur nga Neësport.al, kroati ka treguar arsyen që e çuan të ndërpriste bashkëpunimin me Tiranën U-19.
"Arsyeja e vetme që u largova ishte mungesa e rezultave. Është shumë e thjeshtë, nuk e ndryshova situatën negative që po kalonte ekipi.
Kështu që ishte më mirë që t'ia lija vendin dikujt tjetër në stolin bardheblu. Skuadra pati 6 humbje në 35 ditë që unë e drejtova dhe nuk ishte normale që unë të rrija akoma. Kjo ishte arsyeja e largimit tim", deklaroi ai.
Kujtojmë që Djarmati u emërua në krye të bardhebluve, në muajin shkurt, pas largimit të Sokol Bulkut.
Lexo gjithashtu
