Erkand Qerimaj ia doli të merrte medaljen e argjendtë për Shqipërinë në Lojërat Mesdhetare Oran 2022. Në Algjeri, peshengritësi shkodran ngriti 149 kilogramë, një kg më pak se suksesi i artë në Europian. Me katër medalje, Shqipëria u përfaqësua denjësisht në këtë turne, me Qerimaj që për RTSH ka shprehur emocionet e tij.
“Jam shumë i gëzuar me medaljen e argjendtë në Lojërat Mesdhetare edhe pse e kisha deklaruar që para nisjes se vija për zonën e medaljeve dhe diferenca me medaljen e arit ishte 1 kg, me 150 kg që realizova në Kampionatin Europian, ndërsa këtu realizova 149 kg.
Pati një problem me gjyqtarinë. Në momentin që realizova 149 kg, ata e konsideruan faull. Protestat nga i gjithë stafi, të ciulët unë i falenderoj, ndikoi që të tregonte se nuk kishte asnjë faull.
Kishim një eksperiencë me boksierët, Alban Beqiri dhe Nelson Hysa ku kishin patur problem me gjyqtarinë dhe normal që i gjithë stafi reagoi, sepse ishte e padrejtë të konsiderohej faull. Normalisht që jam shumë i gëzuar që arrita të ngre flamurin shqiptar”, tha Erkandi.
Lexo gjithashtu
