Presidenti i UEFA-s, Aleksander Ceferin, ka reaguar ashpër për banerat fashistë të shpalosur në ndeshjen Koraci – Letoni nga tifozët kroat. Kreu i futbollit europian është shprehur se ‘95% e tifozëve e duan futbollin ndërsa 5% janë idiotë’ dhe kërkon ndihmën e qeverive për të ndalur këta ‘idiotë’.
“95% e tifozëve e duan futbollin, 5% janë idiotë të cilët abuzojnë me vëmendjen që krijon futbolli për të shprehur ideologjitë e tyre idiote. Ne përpiqemi të ndërhyjmë, porn a duhet edhe ndihma e qeverive. Ata që hapën flamurin fashist në Kroaci janë burgosur nga qeveria kroate.
Ka ardhur koha të reagojmë ndryshe ndaj këtyre idiotëve. Askush nuk pyet për origjinën, fenë apo orientimin seksual. Në fushë, nëse s’ke talent dhe nuk je i shpejt sa duhet, nuk do të luash edhe nëse je djali i mbretit”, u shpreh slloveni.
Lexo gjithashtu
