Seria A në këtë sezon është në një tjetër nivel krahasuar me vitet e fundit. Carlo Ançelotti në krye të Napolit, por edhe Cristiano Ronaldo që u transferua te Juventus, ka bërë që jo vetëm tifozët, por edhe futbolldashësit t’i kthejnë sytë nga ky kampionat.
Mirëpo deri më tani këta dy emra që kemi përmendur nuk kanë dhënë atë që pritej. I këtij mendimi është edhe presidenti i Napolit, Aurelio de Laurentiis, i cili në një prononcim për “Sky Sport” ka mbrojtur teknikun e tij, duke thënë se është ende herët për të parë rezultatet, pasi edhe Cristiano Ronaldo ende nuk ka shënuar gol në 3 ndeshje të luajtura deri më tani.