Pranë titullit më të madh në karrierë, media prestigjioze “i jep dorën” Granit XHAKËS (NOTA)

Arsenali shkon pas 13 vitesh në një finale kompeticioni të futbollit europian teksa shkatërroi me rezultatin total 7-3 Valencian. “Topçinjtë” e Londrës iu falën paraqitjes fantastike të sulmuesit Pierre-Emerick Aubameyang, i cili realizoi tripletë. Por, pas nuk mbeti as ylli shqiptar i Zvicrës dhe Arsenalit Granit Xhaka. Media prestigjioze angleze “The Mirror” e ka vlerësuar me notën 7 paraqitjen e 26-vjeçarit.

Granit Xhaka (nota 7): Paraqitje influencuese në rritje në mesfushën e Arsenalit. Paraqitje me disiplinë.

Kjo është mundësia e artë për Xhakën për të fituar një titull europian teksa ka fituar në karrierë 2 kampionate zvicerane me Baselin dhe një FA Cup me Arsenalin.