Elhan Kastrati po kalon një formë fantastike në nivelin personal. Portieri shqiptar është kthyer në një titullar absolut me Cittadella në Serie B prej 3 sezonesh tashmë. Gardiani ka fituar edhe një vend në treshen e portierëve të Kombëtares, por deri më tani mungojnë minutat me fanellën kuqezi pavarësisht se është i vetmi që luan rregullisht në nivel klubesh.
Java tjetër do të jetë e shënuar për 26-vjeçarin i cili do të kap një rekord personal. Kastrati do të luaj ndeshjen e 100-të me Cittadellan në sfidën përballë Sampdorias, më 18 shtator për javën e 5-të në Serie B. I pyetur nga mediet italiane për këtë arritje, Kastrati u shpreh kështu:
Jam krenar dhe shumë i lumtur që kam arritur këtë moment historik, i pari që kam arritur me një klub, do të thotë që Çitadela më ka ofruar mundësinë për të treguar aftësitë e mia në një turne të rëndësishëm.
Tre vjet më parë kur erdha nga Trapani nuk do ta imagjinoja kurrë të arrija në 100 paraqitje, ndër të tjera nuk isha i sigurt as për vendin, të cilin dalëngadalë e fitova në sytë e trajnerit.”
Lexo gjithashtu
