Atmosfera te Teuta është disi më e qetë pas fitores së fundit në kampionat kundër Laçit në transfertë. Suksesi 2-0 ndaj një rivali direkt ka bërë që “djemtë e detit” të jenë më tepër optimistë në garën për mbijetesë në Superligë.
Gjithsesi, harmonia brenda skuadrës vijon të jetë maksimale dhe një gjë të tillë e tregon edhe fotoja e postuar dje nga portieri i durrsakëve, Bledian Rizvani gjatë darkës me Hodon dhe Çyrbjan së bashku me një mikun e tyre.
“Duke ngrënë jonxhë”, ishtë mbishkrimi me humor nga ana e Rizvanit në foton e postuar, ndërsa ish-mesfushori i Teutës, tashmë pjesë e Kukësit, Nijas Lena i komenton: Ju kam zili!
