Portieri i ekipit austriak i cili është kundërshtari i Kukësit në turin e dytë kualifikues të Europa League, Robert Almer, është shumë i bindur se ekipi që do të kualifikohet për më tej është skuadra e tij. Në një prononcim për mediat ai ka sqaruar se objektivat e Austrisë së Vjenës shkojnë larg deri në grupet e kompeticionit.
“Objektivi ynë është të luajmë mirë ndaj Kukësit dhe të sigurojmë kualfikimin për më të tej, në mënyrë që në fundjavë ta nisim me këmbën e mbarë edhe kampionatin. Ne duam të avancojmë deri në fazën e grupeve të këtij kompeticioni, e dimë që nuk do të jetë e lehtë por fillimisht duhet të eliminojmë Kukësin. Rezultati 1-0 na favorizon por duhet të luajmë të përqëndruar dhe të japim maksimumin edhe në sfidën e kthimit ndaj tyre, sepse përballë kemi një kundërshtar të vështirë”, tha Almer.
Ai nuk luajti në ndeshjen e parë pasi u bashkua vonë me ekipin duke qënë se ishte me pushime pas pjesëmarrjes me kombëtaren austriake në EURO 2016, por në “Elbasan Arena” pritet të zbresë në fushë si titullar.
“Jam gati për të luajtur në cdo moment. 2 tre ditët e para e kisha disi të vështirë por pak nga pak po arrij formën time më të mirë dhe besoj se mund ta ndihmoj skuadrën me praninë time në fushë”, përfundoi gardiani austriak.
Loading ...
Leave a Reply
You must be logged in to post a comment.