Kanë kaluar 10 vite që nga aksidenti i rëndë që piloti me famë botërore i “Formula 1”, Michael Schumacher pësoi teksa bënte ski. Aksidenti ishte i tmerrshëm, aq sa e la Schumacherin për një kohë të gjatë në koma.
Në një intervistë të dhënë për “Bild”, vëllai i legjendës së Formula 1, Ralf tregon se si e ka përjetuar situatën gjatë gjithë kësaj kohe.
“Më mungon Michael i kohëve të vjetra. Jeta është e padrejtë herë pas here. Michael ishte me shumë fat gjatë gjithë jetës së tij, por më pas ndodhi ai aksident i tmerrshëm.
Megjithatë, asgjë nuk është si më parë. Jeta ndonjëherë është e padrejtë. Ai nuk ishte vetëm vëllai im. Kur ishim fëmijë ai ishte gjithashtu trajneri dhe mentori im. Por ky fat i keq ka ndryshuar familjen tonë”, është shprehur Ralf Schumacher.
Lexo gjithashtu
