Arsenali ka luajtur një ndeshje në transfertë ndaj West Ham United dhe Mesut Ozil nuk është aktivizuar. Komente të shumta i janë drejtuar trajnerit Unai Emery, i cili në një prononcim për mediat ka thënë se në fushë kanë qenë lojtarët që e meritonin të ishin, duke nënkuptuar këtu që turo-gjermani nuk është shumë në planet e tij.
“Vendosa të zgjedh lojtarët që mendova se ishin më të mirë për këtë lojë, fitojmë me ta, humbim me ta. Sot, lojtarët në fushë ishin lojtarët që meritonin të luanin këtë ndeshje, ne mund të kishim fituar ose humbur. Ne vazhdojmë të punojmë me çdo lojtar sepse ata janë të gjithë të rëndësishëm, por sot vendimi ishte që titullarë të ishin ata në fushën e lojës “, ka thënë trajneri spanjoll.