Federata Shqiptare e Peshëngritjes pritej të zhvillonte sot Asamblenë e Përgjithshme të saj, për të zgjedhur kreun e ri drejtues. Kandidate për këtë post është trajnerja nga Elbasani, Eglantina Çuni, ndërsa kreu I mëparshëm Elez Gjoza tenton të futet në garë duke mos u lejuar as fizikisht nga të pranishmit. Kjo Asamble pas tensioneve është shtyrë për në 14 dhjetor 2020.
Sipas Këshillit Drejtues Gjoza nuk mund të rifutet në garë pasi është përjashtuar, ndërsa ka pasur tension në nisje të Asamblesë. Kandidatja e vetme, Çuni duhet të marrë mbi 50 përqind të votave, teksa kjo Federatë ka 17 anëtar në total. Votimet duhet të zhvillohen kur të pranishëm janë 9 nga anëtarët, ndërsa ka pasur tension që në nisje, duke shtyrë dy herë punimet dhe më pas Asamblenë për muajin tjetër.
Për këtë situatë ka folur edhe kandidati Elez Gjoza që është I përjashtuar. Gjoza thekson se ka mbështetjen e anëtarëve ndërsa duhet të votohet në Asamble nëse do të lejohet ose jo për kreun e Federatës, duke shtuar se Peshëngritja po tentohet të merret peng.
"Tre anëtarët e Këshillit janë në konflikt interesi që kanë përjashtuar kandidatët. Ne kërkuam që Asambleja të na fuste në garë, për të votuar nëse ne do garojmë ose jo dhe të votoheshim për këtë gjë. Mbi 80 përqind e Asamblesë janë me mua për vizionin dhe punën që kam bërë.
Këtu gjejmë një terren banditesk nga njerëz që nuk kanë punë me Peshëngritjen dhe nuk dëgjohen anëtarët që ju qan zemra për sportin. Ne jemi qytetarë, civil dhe duam që sporti të ecë përpara. Shumë shpejt do të mblidhet një tjetër Asamble.
Nuk jemi cinikë, duam që të bashkojmë Federatën dhe jo të përçajmë. Edhe ata që nuk më mbështesin mua le të jenë. Nuk mundet të përjashtosh se ke dëshirë të garosh, jemi në demokraci. Ka mbaruar diktatura dhe jemi në një realitet tjetër. Federata nuk duhet të merret peng.
Kryesia nuk është e ligjshme sepse momentalisht është e shkarkuar dhe duhet të votohen sot. Po ndodh një absurditet nga një sekretar që paguhet nga taksat tona, kur ka të drejtë të menaxhojë situatën dhe jo të japë urdhëra. Sot sovrani është Asambleja", tha Gjoza mes të tjerash.
Lexo gjithashtu
