Në studion e emisionit “Fair Play” në News 24, specialisti i moviolës, Albano Janku ka analizuar 11-metërshin e pretenduar nga Latifi në takimin Skënderbeu-Kukësi 1-1.
Sipas Jankut, gjyqtari kryesor ka vepruar drejtë që nuk akordoi penallti, sepse Latifi, sipas specialistit të moviolës, ka shkelur këmbën e mbrojtësit të Kukësit, Albi Allës. “Lojtari i Kukësit është treguar më i shpejtë se Latifi”, tha Janku.
Por, ish-sulmuesi i njohur i Superligës, Migen Memelli që është i ftuar në emisionin “Fair Play” mendon ndryshe nga Janku, ndërsa iu drejtua specialistit të moviolës: “Alla s’ka prekur topin është penallti. Nuk është treguar i shpejtë mbrojtësi i Kukësit”.