Kukësi renditet në vendin e 3-të me 28 pikë. Verilindorët po bëjnë një sezon të mirë dhe duket se gjërat janë në drejtimin e duhur. Drejtori sportiv i kësaj skuadre, Pero Pejiç është i ftuar në Rubrika Sportive në RTSH, ku po flet për shumë tema. Ai tha se ekipi do mund të luajë në stadiumin e ri në muajin shkurt. Pejiç nuk lë pa përmendur edhe situatën me Coronavirus brenda klubit. Diçka u tha edhe për merkaton.
“Tirana barazoi me Vllazninë dhe kjo na ndihmoi shumë. Pasnesër do luajmë me Dinamon dhe nëse fiojmë, do jemi shumë afër bardhebluve. Jam shumë i kënaqur.
Situata te ekipi dhe grupi- Ishte një opsion për të luajtur në Kukës takimi me Dinamon, por stadiumi nuk është gati.
Kishim disa lojtarë me temperaturë.
Kur do luajë Kukësi në stadiumin e ri? Besoj se në shtëpi do luajmë në shkurt.
Partizani- Çdo ndeshje me Partizanin është një derbi. Unë nuk shikoj Partizanin, por ndeshjen e radhës. Do e shikojmë nëse ata do kthehen fuqishëm apo jo.
Merkato- Ne do marrim edhe 2 lojtarë. Kjo është e sigurtë. Do marrim një mbrojtës dhe një sulmues. 2-3 blerje janë shumë të rëndësishme për ne. Ata e njohin kampionatin shqiptar. Nuk kam qef të flas para kohe. Nuk përmend dot emra.
Kukësi:Dinamo në mesjavë - Do fitojmë ne. Kështu besoj unë. Ata janë në presion. Unë kam shumë besim te ekipi jonë. Presim vetëm fitore. Ne do shikojmë lojën tonë dhe nuk shikoj fare gjërat e tjera. E respektoj si rival” – tha ai.
Kukësi renditet e 3-ta me 28 pikë dhe ka luajtur një ndeshje më pak se të tjerat.
Lexo gjithashtu
