Pas Teutës, Ekuban përfundon në infermieri

Dje, Partizani arriti të fitonte kundër Teutës me rezultatin e thellë 5-1. Të kuqtë e drejtuar nga trajneri Sulejman Starova bënë gjithçka mirë duke marrë tre pikë mjaft të rëndësishme në këtë fazë të nxehtë të kampionatit. Një ndër protagonistët e ndeshjes ishte Kaleb Ekuban.

Sulmuesi  italo-ganez shënoi emrin e tij me dopietën e shënuar. Pas takimit 22-vjeçari ka përfunduar në klinikën e fizioterapistit të kuq, Ergys Rexhës. Për derbin nuk ka shumë kohë pasi do të luhet të premten, ndaj sulmuesi i Partizanit ka zgjedhur klinikën e Rexhës për të qenë sa më në formë për derbin.