Pas largimit nga Kombëtarja, Paolo Tramezzani ka mësuar katër kundërshtarët e parë që do të përballet në miqësore skuadra e tij e re, Lugano, në kuadër të përgatitjeve për fazën e dytë të Supeligës së Zvicrës.
Të mërkurën, në datën 11 janar, Lugano do të zhvillojë miqësoren e parë me Chiasso-n edhe pse ende nuk është përcaktuar vendi dhe orari se kur do të luhet takimi.
Lugano do të përballet me ekipin e San Pedro-s del Pinatar ditën e dielë, në datën 15 janar. Ndeshja e tretë miqësore për ekipin e Tramezzanit është përcaktuar të luhet ditën e mërkurë në datën 18 janar ndaj ekipit të Yanbian, që bën pjesë në Superligën Kineze. Takimi i fundit do të jetë ai i datës 28 janar ndaj Wil-it.
