Esin Hakaj nuk do të jetë pjesë e Partizanit në fazën përgatitore që skuadra do të zhvillojë në Antalia.
Trajneri Starova ka preferuar ta lërë në shtëpi talentin shkodran që u afrua në verën e këtij viti te të kuqtë.
Hakaj në fakt nuk ka zhvilluar asnjë ndeshje zyrtare me Partizanin. Një dëmtim i gjatë e mbajti atë larg fushave për disa javë dhe në momentin që u rikuperua nuk u preferua nga trajneri Starova.
Afrimi i mundshëm i Ardit Peposhit dhe prezenca e Renaldo Kalarit si titullar edhe gjatë këtij sezoni i kanë mbyllur hapësirat për Esin Hakajn, i cili shkëlqeu një vit më parë me Vllazninë.
Nuk dihet ende nëse 20-vjeçari do të qëndrojë te Partizani për pjesën e mbetur të sezonit apo do të huazohet te ndonjë skuadër tjetër për të fituar më shumë minuta në dispozicion.
[caption id="attachment_55782" align="alignnone" width="300"]
Esin Hakaj me fanellën e Partizanit[/caption]
Lexo gjithashtu
