Pjesa e parë- Fillimi i lojës nis qetë për të dy skuadrat, teksa e zhvillojnë lojën në mesfushë. Partizani duket sikur po studion kundërshtarin në minutat e para. Të kuqtë marrin në dorë frenat e lojës, teksa fillojnë presingun në zonën kundërshtare. Të besuarit e Sormanit luajnë fort dhe krijojnë disa raste para portës, por pa mundur t'i shfrytëzojnë si duhet. Duhet përmendur një rast i pastër i Vilës, i cili pas një asisi nga Ekuban e dërgon topin jashtë kuadratit të mbrojtur nga portieri mik. Më pas intensiteti i sulmeve shtohet dhe është përsëri Vila që në minutën e 35-të gjuan bukur me kokë, pas një goditje të lirë të goditur nga Trashi, por portieri i Luftëtarit i mohon gëzimin e këtij goli. Partizani vazhdon të jetë këmbëngulës. Torassa fiton një goditje dënimi në hyrje të zonës. Trashi e merr përsipër për ta ekzekutuar, por pa rezultat. Pesë minutat e mbetura të lojës nuk sjellin asgjë në këtë fraksion të parë të këtij takimi.
Lexo gjithashtu
