Nuk pranon shkurtim page, Barcelona merr “HAK” duke e nxjerr në shitje

Pas 9 viteve në “Camp Nou”, Jordi Alba duket se do i japë fund aventurës te Barcelona.

Kërkesat e vazhdueshme të klubit katalanas për të shkurtuar pagat duket se kanë rënë në vesh të shurdhët, me mbrojtësin e krahut të majtë që nuk e pranon një gjë të tillë.

Për këtë, drejtuesit e lartë të Blaugranëve e kanë vendosur atë në listën e largimeve që këtë merkato vere. Interes për 32-vjeçarin që ka një kontratë deri në vitin 2024 me spanjollët nuk ka, por në media aludohet për pasuesin e tij.

Gaya i Valencias është profili që i pëlqen Barcelonës dhe në ditët e ardhshme, gjithmonë në rast se nuk do ketë marrëveshje me Alba, katalanasit mund të bëjnë hapa para drejt firmës me të.