Lewis Hamilton po tregon se e meriton që të dominojë në çdo pistë. Në Baku të Azerbajxhanit ai i përfundoi më shpejtë se të tjerët dy seseionet e fundit të provave. Në pistën më të re ndërqytetase, të Formula 1, kampioni në fuqi i Botës i vendosi të gjithë në radhë, me kohën më të mirë 1 minutë 44 sekonda e 223 të mijtat.
https://www.youtube.com/watch?v=jjav7ZobJ1E
Anglezi i Mercedes ishte rreth 7 të dhjetat e sekondës më i shpejtë se shoku i tij i skuadrës gjermani Nico Rosberg që ashtu si në sesionin e parë edhe në sesionin e dytë të provave të lira u rendit në vendin e dytë. Dy pilotët e Ferrarit, Sebastian Vettel e Kimi Raikkonen ishin shumë kohë larg Hamilton. 4-herë kampioni i Botës nuk shkoi më shumë se vendi i 4-t, ndërsa finlandezi u rendit vetëm i 13-ti.
Lexo gjithashtu
