Pas sulmit që Superliga Kineze ka bërë për afrimin e lojtarëve më të mirë, emrat më të njohur në futbollin ndërkombëtar, si Oscar apo Tevez, ata kanë nisur bisedimet për transferimin e gjyqtarëve më të mirë ndërkombëtarë.
Bëhet fjalë për Mark Clattenburg, një emër i njohur në arbitrimin ndërkombëtar, i cili ka marrë çmimin “gjyqtari më i mirë i vitit”, në Dubai, ku të pranishëm ishin dhe përfaqësuesit kinezë.
Qëllimi i kinezëve është për të ndërtuar Superligën më të mirë dhe për këtë qëllim ata po punojnë fort për të arritur këtë qëllim. Pas afrimit të superlojtarëve dhe trajnerëve, së fundmi po bëjnë çdo gjë që kanë në dorë për të arritur marrëveshjen me gjyqtarin më të mirë për momentin .
