Interi e mbylli sezonin e Serisë A me 82 pikë, në vendin e dytë. Zikaltërit zhvilluan një sezon pozitiv, duek qëndruar gjatë gjithë kohës në vendet e para të rënditjes. Merkato në nivelin e duhur dhe ardhja e Contes ”ndryshuan fytyren” e ekipit nga Milano, por sipas trajnerit ka pasur problem brenda klubit. Conte foli pas fitores 0-2 në Bergamo ndaj Atalantës, ku tha se mbështetja e drejtuesve ka munguar dhe ndjeu keqardhje që futbollistët nuk janë vlerësuar për punën që kanë bërë.
”Puna ime dhe futbollistëve nuk është vlerësuar. Jam mbrojtur shumë pak nga klubi. Kur dëshiron të fitosh dhe të shkurtosh diferenca, duhet të tregoheni të fortë në fushë. Njerëzit duhet të të mbështesin në çdo moment të mirë apo të keq. Kjo nuk ka ndodhur tek Interi. E kuptoj sepse kjo na ndihmoi të bashkoheshim dhe të përballeshim me çdo vështirësi” – Pohon Conte.
Loading ...
