Leonardo Bonuçi nuk është në planet e Juventusit dhe të trajnerit Missimiliano Allegri. Në këto kushte mbrojtësi është në kërkim të një skuadre të re për të luajtur këtë sezon, teksa në fund të saj ka theksuar se mund të tërhiqet nga futbolli i luajtur.
Gjithësesi deri në verën e ardhshme ka kohë dhe lojtari synon të provojë një aventurë të re në një kampionat jashtë Italisë. Për të interesohet Union Berlin në Bundesligë dhe idea e kalimit te skuadar gjermane e “josh” Bonuccin.
Në fakt më tepër “tundohet” nga pjesmarrja në Champions League, pasi Union Berlini do të marrë pjesë në këtë kompeticion këtë sezon. Shuma që ofron skuadar gjermane për shërbimet e mbrojtësit është 1.5 milionë euro.
Mbetet të shihet se çfarë do të ndodhë me të ardhmen e Bonuçit, i cili dëshiron që këtë vit të luajë rregullisht për të qenë protagonist edhe në kampionatin europian “Euro 2024”.
Lexo gjithashtu
