Vedat Muriqi është një nga lojtarët më të kërkuar në merkato. Sulmuesi shqiptar ka shkëlqyer këtë sezon te Fenerbaçe duke shënuar 15 gola e 6 asiste në 28 ndeshje në Turqi e tani kërkon të bëjë hapin e madh në karrierë.
Oferta për lojtarin nuk mungojnë që nga Serie A, Bundesliga, por edhe Premier League. Së fundmi në garë për shërbimet e tij është futur edhe West Bromwich Albion që e shikon Muriqin se sulmuesin kryesor për sezonin e ri.
Skuadra angleze militon në Championship këtë sezon dhe është pranë rikthimit në Premier League e për këtë arsye ka nisur nga puna për të forcuar skuadrën.
Mediat angleze raportojnë se sulmuesi i Kosovës ka folur me trajnerin Slaven Bilic dhe e ka bindur për të firmosur me ËBA. Kartoni i tij vlerësohet rreth 25 milionë euro e nëse WBA kthehet në elitën e futbollit anglez janë gati të paguajnë një shifër të tillë.