Grzegorz Krychowiak është mesfushori më i ri i kampionëve francezë, të cilët zyrtarizuan afrimin e lojtarit para pak çastesh. Paris SG ka marrë shërbimet e mesfushorit të Polonisë, Grzegorz Krychoëiak pak ditë pasi ky lojtar u eliminua nga Euro 2016. 26-vjeçari Krychowiak, i cili vjen nga Sevilla, ka qenë nën urdhrat e trajnerit të ri të PSG, Unai Emery, në dy sezonet e fundit te skuadra spanjolle. Ish-mesfushori i Reims, që la një përshtypje të shkëlqyer në Euro 2016 firmosi një kontratë pesë vjeçare. Ky është afrimi i tretë i francezëve këtë sezon, pas transferimit të Ben Arfa-së dhe Thomas Meunier.
