Ditën e nesërme do të luhet ndeshja e kthimit në Champions League mes Bayern Munich dhe Liverpool. Në lidhje me këtë sfidë, ka folur portieri i Bayern Munich, Manuel Neuer, i cili në konferencën për mediat është shprehur se dita e nesërme do të jetë si një finale.
“Do të ketë tensione, por jo vetëm për ne. Nesër do të jetë si një finale, mes dy ekipeve të forta. Stadiumi ynë do të na mbështesë, ne duam të kthehemi për të fituar në shtëpi kundër një të madh, sikurse është Liverpool. Në ndeshjen e parë ne luajtëm mirë dhe kemi mbuluar, por ne duhet të jemi të kujdesshëm dhe të përpiqemi të fitojmë duelin. Klopp? Ai është i çmendur në një kuptim pozitiv, gjithmonë dëshiron më të mirën për skuadrën dhe lojtarët” është shprehur Neuer.
Loading ...
