Finalja e madhe e Kupës së Botës do të luhet më 18 dhjetor, ku Argjentina e Lionel Messit dhe Franca e Kylian Mbappe do të bëjnë mes tyre llogaritë e trofeut të madh. Për të ndjekur këtë finale nga afër në Katar ndodhet edhet Presidenti i Federatës së Futbollit të Kosovës, Agim Ademi.
Kreu i shtëpisë së futbollit ka qëndruar të enjten në një drekë pune me presidentin e UEFA-s, Aleksandër Çeferin me ftesën e këtij të fundit. Të pranishëm në këtë drekë pune përveç Ademit dhe Çeferin kanë qenë edhe drejtori i Federatave kombëtare në UEFA, Zoran Lakoviq dhe i pari i FSHF-së, Armand Duka.
“Në drekë pune të ftuar nga presidenti i UEFA-s, Aleksandër Çeferin, me drejtorin e Federatave kombëtare në UEFA, Zoran Lakoviq dhe presidentin e FSHF-së dhe njëherësh anëtarin e KE të UEFA-s, Armand Duka. Si gjithherë biseduam me kënaqësi për futbollin, u këshilluam për planet dhe vizionin për të ardhmen.
Bashkërisht e presim finalen e jashtëzakonshme të Kupës së Botës, ku Franca si përfaqësuese evropiane do të luajë kundër Argjentinës", ka shkruar Ademi në Facebook.
Lexo gjithashtu
