Man United është në kërkim të një trajneri pas shkarkimit të Solskjaer. “Djajtë e kuq” për momentin drejtohen nga Carrik, por drejtuesit e klubit kanë nisur bisedimet për gjetjen e një tekniku të përkohëshëm deri në fund të sezonit.
“Goal” bën me dije se Man United kërkon me çdo kusht Pochettinon, trajnerin e PSG-së që është gati të pranojë këtë ofertë, por janë drejtuesit e skuadrës franceze që kanë refuzuar largimin e tij në mes të sezonit.
Duke parë këtë situatë, United ka nisur negociatat me Ernesto Valverde, ish trajnerin e Barcelonës. 57-vjeçari që pas largimit nga Barça është pa skuadër dhe është gati të pranojë ofertë për të drejtuar Man United të paktën deri në fund të sezonit pasi në verë skuadra angleze do të tentojë sërish për Pochettino.