Barcelona është dëshpërimisht në kërkim të një mbrojtësi të djathtë. Emri më i ri që ka dalë në dritë për katalanasit është francezi i Bayern, Benjamin Pavard. Kampioni i botës po kalon një formë jo të mirë në Bavari.
Me afrimin këtë sezon të Mazraoui, Pavard ka qenë zgjedhja e dytë për Nagelsmann. Gjithashtu dhe transferimi i Joao Cancelo tek Bayern e komplikon edhe me shumë punën për Pavard që duhet ta shohi me “dylbi” vendin e titullarit. Një transferim në Katalonjë do të ishte i mirëpritur për 26-vjeçarin, duke parë këta të fundit që po vuajnë për një mbrojtës krahu të qëndrueshëm.
Transferimi i Bellerin nuk rezultoi ashtu siç duhet për ekipin e Xavi duke parë formën e tij të dobët. Përforcimi me Pavard do të ishte një lajm i mirë për klubin “Blaugrana” dhe ata janë të gatshëm të presin edhe fundin e sezonit për të finalizuar “Operacionin Pavard”.
