Manchester United u kualifikua mbrëmë në finalen e Carabao Cup. Ata mundën Nottingham Forest edhe në ndeshjen e kthimit në Old Traford me rezultatin 2-0. Ndeshjen e parë e fituan 0-3 në fushën e Nottingham. Mbrëmjen e djeshme golat e Martial dhe Fred siguruan kualifikimin, ndërsa Rashford asistoi për të dy shënuesit.
Lajm i mirë tjetër ishte dhe rikthimi në fushë i anësorit Jadon Snacho. Lojtari kishte që në tetor që nuk luante për shkak dëmtimi, duke humbur edhe Kupën e Botës. Ai u fut si zëvëndësues duke pritur dhe ovacionet e publikut. Kjo është fitorja e 12-të rradhazi në shtëpi për ekipin e Ten Hag, duke barazuar dhe rekordin e Sir Alex Ferguson.
Ata do të luajnë kështu finalen e parë pas 6 vitesh. Më 26 shkurt ata do të ndeshen me “qymyrxhinjtë” e Newcastle. Kjo është një arsye më shumë që United të shkojë i uritur në Wembley, ku mund të rikthejnë një trofe që i mungon prej 2017. Atë vit në finale mundën 3-2 Southampton dhe ekipi drejtohej prej Jose Mourinho.
Lexo gjithashtu
