Italia është finalistja e parë e Europianit 2020 pasi kaloi pas shtesave dhe penalltive Spanjën. Në një ndeshje që prodhoi 2 gola (1-1) për 120 minuta, Azzurrët e Roberto Mancinit ishin më të saktë nga 11 metra. Pas ndeshjes, Mancini ka treguar se e kishin parashikuar që do vuanin dhe se merita për këtë finale është e gjitha e lojtarëve.
"Të tilla janë penalltitë. Ishte ndeshje shumë e vështirë. Spanja është ekip i shkëlqyer, ata luajnë shumë mirë. Bëmë një ndeshje të mirë. Jo si zakonisht, por e dinim se do të vuanim. Spanja na vuri në vështirësi, më pas gjetëm koordinatat e duhura dhe nuk rrezikuam shumë.
Fitore si Italia e dikurshme? Skuadrat e futbollit sulmojnë dhe mbrohen. Edhe ne patëm mundësi shënimi. Ishte ndeshje mes dy ekipeve të shkëlqyera. Merita është e djemve, por nuk ka mbaruar akoma. Duhet të rikuperohemi dhe të bëjmë gati finalen", tha Mancini.
Lexo gjithashtu
