Këshilli Bashkiak i Tiranës ka vendosur të shpërblejë kampionët kuqezi dhe jo vetëm në garat individuale. Nga atletika te peshëngritja, lojtarët e klubit Shumësportësh Tirana kanë bërë krenar Shqipërinë.
Thyerje e rekordit nga Luiza Gega, kampionët Briken Calja dhe Evangjelia Veli si edhe të tjerë emra, do marrin shpërblimet e merituara.
“Në mbledhjes e sotme të Këshillit Bashkiak miratojmë një fond prej 51 milionë lekësh që shkon për shpërblimet e sportistëve tanë elitarë. Unë besoj duhet të kalojë koha kur sportistët prisnin 10 vjet për të marrë fondet. Nëse këndojmë dhe krenohemi dhe sportistët tanë ngrenë flamurin, duhet të përgjigjemi dhe për premtimet që kemi bërë. Ndaj sot, miratojmë shpërblimin për dy kampionate dhe dy rekorde të fituara nga sportistja Luiza Gega dhe trajneri i saj.
Gjithashtu shpërblehen edhe disa atlete shumë të talentuara. Për peshëngritjen kemi një super vit pas rezultateve në kampionatin botëror në Uzbekistan dhe në Kampionatin Europian. Është patjetër Evangjeli Veli ajo që në 5 kampionate ka qenë historia jonë e suksesit. Kemi një shpërblim për Brikenin që doli kampion bote në Kampionatin Botëror. Po kështu, pjesë e këtij vendimi janë disa talente të tjera dhe trajnerët respektivë”, tha kryetari i Bashkisë Tiranë, Erion Veliaj.
Lexo gjithashtu
