Një gjyqtare e re u mbyll brenda stadiumit pasi pezulloi një ndeshje për të rinjtë. Episodi fatkeq ka ndodhur në provincën e Brescias, në ndeshjen mes Darfo Boarios dhe Carpenedolo, e cila u pezullua pas sherrit ku u përfshinë disa drejtues dhe disa djem të dy skuadrave.
Ndeshja e ndërpre dhe më pas ndodhi më e keqja për gjyqtaren, e cila u mbyll brenda stadiumit, pasi të gjithë ishin larguar.
“Kur doli nga dhoma e zhveshjes, ajo kuptoi se ishte braktisur dhe mbyllur brenda stadiumit”, shkruhej në njoftimin për shtyp të ligës kombëtare të amatorëve.
Nuk kanë munguar sanksionet për dy klubet dhe protagonistët e sherrit që solli vendimin për pezullimin e ndeshjes. Të dyja skuadrat e humbën ndeshjen në tavolinë. Dy persona u identifikuan dhe u skualifikuan deri më 22 mars, ndërsa Carpenedolo u gjobit me 200 euro dhe Darfo Boarios me 300 euro, për asistencë të papërshtatshme ndaj gjyqtares në fund të ndeshjes.
Lexo gjithashtu
