Për më shumë se 6 javë kampionati i NBA ka qenë pezulluar, për shkak të pandemisë së COVID-19, por duket se për ta më në fund është hapur një “dritë jeshile”. Sipas Adrian Wojnarowski të ESPN, thuhet se ekipet do ti rikthehen parketit duke filluar që nga data 1 maj, por kjo do të ndodhë vetëm me skuadrat e vendeve, qeveritë lokale të të cilëve, kanë lehtësuar urdhrat e qendrimit në shtëpi.
Thuhet se skuadrat si Lakers, Clippers e Houston mund të jenë disa nga ekipet që do të rifillojnë stërvitjet.
Megjithëse ky është hapi i parë për të rifilluar sezonin, vetë zhvillimi i ligës është “akoma e pasigurt”, nëse do të luhet apo kur mund të luhet. Komisioneri i NBA-së, Adam Silver tha javën e kaluar se kampionati nuk është në gjendje të marrë ndonjë vendim për pjesën tjetër të sezonit dhe se gjithçka është e hapur.
Loading ...
