Një nga emrat më të përmendur për merkato vere është ai i sulmuesit të Manchester City-it, Sergio Aguero.
Argjentinasi ka kontratë me “Qytetarët” deri në verën e vitit të ardhshëm, megjithatë mundësia për t’u transferuar në një kampionat tjetër mbetet e hapur. Dëshira e tij është të qëndrojë deri në fund të kontratës në Angli dhe këtë e ka thënë përmes një prononcimi për “El Chiringuito”.
"Nuk po mendoj sot për atë që do të bëj. Unë e di që çdo ditë kontrata ime po i afrohet skadimit të saj, por ne do të shohim.
Ofertat do të vijnë, por tani për tani thjesht dua të përpiqem të fitoj Ligën e Kampionëve me Cityn. Nuk kam menduar për atë që do të bëj pas vitit 2021. Sot ndihem mirë dhe komod këtu, por nuk e përjashtoj mundësinë të kthehem në Spanjë apo të shkoj diku tjetër”, ka deklaruar ai.
Lexo gjithashtu
