
Sulmuesi i Bayernit, Thomas Muller reagoi në një mënyrë të pazakontë për zëvendësimin e tij në ndeshjen e raundit të 26-të të Bundesligës me Union Berlin.
Duke shkuar në pankinë në minutën e 89-të të ndeshjes, 30-vjeçari gjerman vendosi të zbatojë masat e distancimit sociale dhe në vend të shtrëngimit tradicional të dorës ai e prek me këmbë pas belit trajnerin e Mynihut, Hans-Dieter Flick.
Në këtë ndeshje Bajerni fitoi me rezultatin 0-2 falë golave të Robert Levandovskit dhe Benxhamin Pavardit duke ruajtur kreun e klasifikimit në kampionatin gjerman me 4 pikë më shumë se Borusia Dortmundi i vendit të dytë.
Poll