Gentjan Muça ka folur para takimit kundër Skënderbeut, sfidë që Tirana do ta luajë në kuadër të javës së 25-të të Superligës.
Zv.kapiteni i bardhebluve, gjatë një interviste për emisionin “Gol pas Goli” u shpreh: “Çëshjta është mjaft delikate. Rezultateve negative i është shtuar dhe mungesa e tifozëve. Sigurisht që edhe mungesa e tyre ka ndikuar në rezultate, sepse mbështetja e tifozëve është një bonus i madh për ne.
Nuk jemi në gjendjen tonë më të mirë dhe jemi shumë lart atij ekipi që mposhti Skënderbeun në fazën e parë.
A do e bojkotoja ekipin në stadium nëse s’do isha lojtar? Kushdo është në pozitë të vështirë. Edhe presidenti Halili është në pozicion të vështirë, sepse edhe ai është tifoz i Tiranës.
Mbijetesa? Ekipet janë ngjeshur shumë në fund. Jo mund të rrezikojmë, por rrezikojmë. E rëndësishme është të kuptojmë përse u ndërtua ky ekip dhe ku është tani”, tha Gentjan Muça për Supersport.
Loading ...
