Dinamo fitoi ditën e djeshme përballë Skënderbeut dhe futet kështu zyrtarisht në zonën Final Four teksa zbret Tiranën nga vendi i 4-të. Heroi i bluve ishte Lorenco Vila i cili shënoi golin e vetëm nga pika e bardhë e penalltisë. Pikërisht ky 11-metërsh ka krijuar polemika të mëdha pasi korçarët pretendojnë për një faull në sulm.
Arbitër kryesor ishte Klodian Shahini, ndërsa në VAR ulej Enea Jorgji.
Ish-arbitri Bujar Pregja ka bërë moviolën e tij në studion SKANER dhe i jep të drejtë pretendimeve të vendasve. ‘Shkelje me takë, faull në sulm’, thotë Pregja duke quajtur të parregullt golin e Dinamos.
“Rast i diskutueshëm. Duket sikur lojtari i Dinamos ka shkelur me taka mbrojtësin e Skënderbeut. Mund edhe të mos jepej ky 11-metërsh.
Këmba e djathtë e lojtarit të Dinamos e shkel me taka mbrojtësin e Skënderbeut. Në rast se ajo këmbë ka shkuar atje nga goditja që i jep me gju mbrojtësi i Skënderbeut, ja jep në pulpë dhe mundet që këmba të ketë shkuar atje për shkak të kësaj.
A është faull nga sulmuesi? Patjetër, VAR mund të ketë parë që këmba e sulmuesit të ketë shkuar nga goditja e marrë. Unë them që është faull i sulmuesit, nuk është penallti”, tha Pregja.
Penalltia → VIDEO
Lexo gjithashtu
