Radja Nainggolan dhe Mauro Icardi nuk janë më pjesë e projektit Inter. Kjo u tha fillimisht nga Beppe Marotta, gjithashtu e përsëriti dhe trajneri, Antonio Conte.
E për të ardhmen e Nainggolan nuk kishte si të mungonte një koment i motrës së tij binjake, Riana.
"Radja nuk ishte shumë i lumtur pas deklaratave të Giuseppe Marotta, i cili e nxori atë jashtë projektit të Antonio Conte. Ka shanse që vëllai im do të largohet nga Milano edhe pse në këtë moment nuk ka ekip të interesuar. Unë jam shumë e lidhur me të, por nuk më ka thënë ende se cila skuadër i pëlqen. Mendoj se do të transferohet diku jashtë Italisë, por për momentin duhet të presim."-përfundoi Riana.
Nainggolan erdhi vetëm një vit më parë nga Roma, por nuk ka bindur me fanellën zikaltër, duke u vënë në listën e largimeve nga Conte.
Lexo gjithashtu
