MotoGP/ Marc Marquez, i pari në pistën e Brno

Honda dhe piloti spanjoll, Marc Marquez, do ta nisin nga vendi i parë nesër Çmimin e Madh të Çekisë. Me kohën 1’54’596, Marc Marquez përfundoi provat zyrtare, dukem siguruar “pole position” për garën zyrtare që do të zhvillohet nesër.

Ai la pas patriotin e tij Jorge Lorenzo me Yamaha, i cili u rendit i dyti, ndërsa në vijën e parë do të3 jetë dhe italiani Andrea Iannone me Ducati. Zhgënjyes ka qenë italiani tjetër, Valentino Rossi me Yamaha, i cili nuk ka qenë në ditën e tij më të mirë, duke u pozicionuar i gjashti në provat zyrtare.

Gara do të jetë shumë e fortë për Rossin, i cili në provat zyrtare u rendit një sekondë më pas Marquez, ndërsa para tij në start u vendosën Alex Esparagro dhe Hector Barbera, përkatësisht në vendet katër dhe pesë. Gara do të nisë në orën 14:00 në pistën Brno të Çekisë.