Pero Pejiç erdhi me bujë në këtë merkato vere te Kukësi, ndërsa nga sulmuesi kroat pritet shumë. Dy sezone më parë, ai ishte një nga lojtarët më me peshë te verilindorët, duke qenë vendimtar me golat e tij. Por duket se në këtë prag kampionati, Pero Pejiç është shumë larg atij të dy sezoneve më parë.
Në miqësoret e fundit, sulmuesi kroat nuk ka bindur me paraqitjet e tij. Burime për newsport.al bëjnë me dije se drejtuesit e klubit dhe trajneri Gjoka kanë një "as nën mëngë" për t'i paraprirë këtij problemi.
Bëhet fjalë për Sidrit Gurin, sulmuesi që u afrua në këtë merkato vere nga Korabi, i cili shihet si "barka e shpëtimit" të repartit të avancuar te Kukësi. Pejiç duhet të kthehet ai i dikurshmi dhe nëse kjo nuk ndodh, shkodrani është gati të marrë përgjegjësitë si titullar në sulmin e verilindorëve.
Lexo gjithashtu
