Shqipëria U-17 ka arritur të marrë fitoren e parë ditën e sotme në ndeshjen përballë Ishujve Faroe. “Kuqezinjtë’ e vegjël kanë arritur të triumfojnë 1-0 përballë ishullorëve të largët fal një goli në minutën e 57’ nga Gabriel Kulla, qendërsulmuesi i ekipit me numrin 9.
Kështu, Shqipëria e mbyll këtë grup kualifikues të vlefshëm për kampionatin Europian U-17 në vendin e tretë pas “të mëdhenjve" si Holanda dhe Kroacia plot talenta. Kombëtarja jonë ka arritur të lërë pas vetëm kundërshtarin me të cilin fituam sot, që e mbylli fushatën mjerueshëm pa asnjë pikë.
Shqipëria e të vegjëlve arriti një barazim me Kroacinë ndeshjen hapëse duke lënë shpresa për dy takimet e radhës, por ndaj Holandës reprezentuesja jonë “u shkatërrua” me 5 gola dhe humbi shpresat për vendin e parë në grup.
Në të njëjtën orë me takimin kundër faroeve u luajt edhe sfida mes kroatëve dhe holandezëve që u mbyll në shifrat 3-1 për ballkanasit që zënë vendin e parë në grupin tonë. Të gjitha takimet u zhvilluan në shtetin tonë si organizues të këtyre kualifikueseve.
Kujtojmë që ndeshja e sotme u zhvillua në "Arena Egnatia” pasi Stadiumi Kombëtar do të presë Shpresat në orën 18:00 kundër Armenisë.
Grupi 3 – ndeshjet e raundit të parë të Kampionatit Europian 2025 për grupmoshën U-17
Shqipëri – Kroaci 1-1
Hollandë – Ishujt Faroe 6-0
Shqipëri – Hollandë 0-5
Kroaci – Ishujt Faroe 7-0
Ishujt Faroe – Shqipëri 0-1
Kroaci – Hollandë 3-1
Lexo gjithashtu
Euro 2026 për U-19, Shqipëria njeh rivalët
Tjetër derbi në kampionatin e moshave, tjetër fitore për Partizanin
“Elbasan Arena” hap dyert, Shqipëria U-19 sfidon Izraelin
