Shqipëria U-17 do të luajë sot ndeshjen e dytë të grupit 3 të raundit të parë të kualifikueseve të Kampionatit Europian U-17 ndaj Holandës. Në stadiumin “Air Albania” në orën 15:00, kuqezinjtë do të përballen me rivalët më të fortë të grupit, megjithatë djemtë janë gati për të dhuruar një tjetër performancë të mirë pas ndeshjes me Kroacinë.
Kombëtarja U-17 ka mbyllur përgatitjet në Durrës, të gjithë futbollistët gëzojnë formë të mirë fizike dhe do të jenë në dispozicion të trajnerit Andrea Tedesco për sfidën ndaj Holandës.
Po sot, në orën 11:00 do të luhet ndeshja tjetër e grupit 3, mes Kroacisë dhe Ishujve Faroe. Dy skuadrat do të përballen me njëra-tjetrën në “Shtëpinë e Futbollit”.
Hyrja në stadiumin “Air Albania” për ndeshjen Shqipëri U17 – Holandë U17 do të jetë falas. Federata e Futbollit i fton të gjithë tifozët në stadium për të mbështetur kuqezinjtë në ndeshjen ndaj Holandës.
Lexo gjithashtu
Euro 2026 për U-19, Shqipëria njeh rivalët
Tjetër derbi në kampionatin e moshave, tjetër fitore për Partizanin
“Elbasan Arena” hap dyert, Shqipëria U-19 sfidon Izraelin
