Askush nuk kishte menduar që sezoni që kaloi do të ishte i fundit që Cristiano Ronaldo dhe Lionel Messi do të përballeshin mes tyre në kampionatin spanjoll. Kjo gjë nuk ishte menduar as nga "pleshti" i cili së fundmi, në një intervistë të dhënë për mediat spanjolle, ka komentuar kalimin e Ronaldos në Itali, te Juventusi.
"Nuk e imagjinoja larg Real Madridit, e aq më pak e mendoja se mund të shkonte te Juventusi, pasi u fol për shumë skuadra por pak për bardhezinjtë. E vërteta është se isha shumë i çuditur, por është gjithsesi një skuadër e fortë. Pa Kristianon, Real Madrid do të jetë më pak i fortë, ndërsa Juventusi do të bëhet një favorit i qartë për të fituar Champions Leaguen. Ata kishin një skuadër të fortë, tani kanë edhe Kristiano Ronaldon", kanë qenë fjalët e Messit për mediat spanjolle.
Lexo gjithashtu
