Pas shkarkimit të Christophe Galtier në përfundim të sezonit Paris Saint-Germain është në kërkim të një trajneri të ri. Pas shumë tratativave duket se ata tashmë e kanë gati emrin e ri. Bëhet fjalë për Luis Enrique.
Gjithçka është gati për ardhjen e ish-trajnerit të Barcelonës, i cili do të nënshkruajë deri në vitin 2025. Enrique do të bëhet zyrtarisht trajner i klubit parizian në ditët në vijim dhe do të paguhet 8 milionë euro në sezon, duke e bërë atë një nga trajnerët më të paguar në botë. Bisedimet me Enrique kanë përfunduar dhe zyrtarizimi i tij do të konfirmohet më 28 qershor.
Kjo do të jetë aventura e parë në klub për Luis Enrique pas largimit nga Barça. Në mes, ai drejtoi kombëtaren spanjolle, të cilën e vendosi në mesin e më të mirëve në botë, pavarësisht se nuk mundi të ngrinte asnjë titull zyrtar.
Ardhja e tij në Paris mund të jetë një frymë e freskët për Neymar. Ylli brazilian, i cili shkëlqeu te Barcelona me asturianin në pankinë, do të dëshironte që Luis Enrique të mbërrinte në mënyrë që të rifillonte karrierën e tij.
Lexo gjithashtu
