Vetëm një pikë më pak se Kukësi dhe tre më shumë se Skënderbeu, te Partizani kanë të drejtë të besojnë këtë vit më shumë se asnjëherë tjetër tek titulli kampion. Merkato e janarit pritet të sjellë zhvillime për të kuqtë që kanë projektuar që tani disa lëvizje për skuadrën fituese.
Xhevair Sukaj është zyrtarisht i të kuqve ndërkohë që me afrimin e tij në sulm do të ketë vetëm spostime lojtarëve. Ekuban do të lërë majën e sulmit për të kaluar në krah ndërsa Torrasa do të mendoj për krahun tjetër. Të tre së bashku do të krijojnë një sulm të frikshëm.
Në mesfushë Batha, Ramadani i konfirmuar dhe Trashi janë një treshe fantastike.
Në mbrojtje Fejzullahi ka kohën e mjaftueshme për tu rekuperuar plotësisht ndërsa Krasniqi dhe Atanda janë dyshe e konsoliduar për qëndrën. Në të majtë, rikthimi i Arapit është dëshira më e madhe e merkatos.
Ky është Partizani në letër dhe pritet që lëvizjet e para për ta bërë realitet atë të bëhen në ditët në vazhdim.
Formacioni i Partizanit (4-3-3)
Hoxha
Fejzullahi Krasniqi Atanda Arapi
Batha Ramadani Trashi
Ekuban Sukaj Torrasa
Lexo gjithashtu
