Shumë pak e prsinim, madje as vetë tifozët më të flaktë të Italisë nuk e mendonin se Azurrët do shkonin deri në finale të Euro 2020. Madje, as vetë futbollisti i Bluve, Giorgio Chiellini. Në një intervistë të dhënë për Rai Sport, mbrojtësi pohon se kur trajneri Mancini u tha për të menduar rreth triumfit final, iu duk e pabesueshme. Ai e cilëson këtë arritje, si një ëndërr.
"Është një ëndërr që ne e kultivuam për tre vjet dhe trajneri na e shpoi në kokë derisa u bë realitet.Kur ai na tha në fillim të mendonim për të fituar Euro 2020, ne menduam se ai ishte i çmendur, dhe megjithatë ne jemi pikërisht atje në prag dhe vetëm një centimetër larg trofeut.
Ne menduam se do të përballeshim me Francën në vend të Spanjës në gjysmëfinale, pasi ata ishin favoritët e mëdhenj, ata kishin të gjithë cilësinë e nevojshme dhe përvojën ndërkombëtare. Mendova se Franca ishte një hap mbi pjesën tjetër, kështu që kisha supozuar se rruga jonë drejt finales do të ishte Belgjika, Franca dhe Anglia.Unë menjëherë mendova se Anglia do të ishte një kandidate serioze për të fituar Euro 2020. Ata kanë cilësi dhe fizik, janë solid dhe të organizuar. Ata mund të mos jenë të lehtë për syrin, por janë të vështira për tu mposhtur.Do të jetë një lojë e shkëlqyeshme e futbollit, asnjëra skuadër nuk do të ketë frikë dhe të dyja do të respektojmë njëri-tjetrin"- tha ai.
Lexo gjithashtu
