Peshëngritësja shqiptare, Evangjelia Veli u shpall kampione e Europës deri në peshën 55 kilogramë. Në eventin që po zhvillohet në Tiranë, sportistja shqiptare ka ngritur në dygarësh 208 kilogramë, ndërsa mori medalje ari në shkëputje dhe argjendi në dygarësh.
Në Euronews, Veli ka treguar se ka pasur problem financiare dhe nuk ka marrë ende shpërblimin nga shteti shqiptar për pozicionimin si e katërta në botë në Botëror, teksa edhe shpenzimet e dëmtimeve i ka mbuluar vetë.
“Më janë bërë katër medalje. Ditën e parë ishte e parë që të flija gjumë. Isha shumë e lumtur. Të them të drejtën që do të dilja kampione të dielën. Duhet të ndodhte diçka shumë e keqe që të mos e merrja vendin e parë. Jam shumë e lumtur dhe mbi të gjitha që fitoi një vajzë. Mbi të gjitha janë shumë e lumtur që u këndua himni shqiptar dhe do të dëgjohet edhe sot me Briken Çaljan.
Në ato momente kur kam ngritur shtangën shpërtheva në lot se më kaluan në mend të gjitha vuajtjet që kam kaluar ndër vite.
Pagesa? Këtë vit ka pasur vonesa. Shpërblimin për Botëror nuk e kam marrë. Anën financiare nuk e kisha për këtë rezultat në këtë turne. Një problem tjetër janë edhe sigurimet, nuk kemi. Të gjitha shpenzimet nga dëmtimi i kam mbuluar vetë, nuk është e drejtë. Përfaqësoj Shqipërinë dhe nuk duhet të vijojë justifikimi se nuk jetoj në Shqipëri ndaj nuk kam ndihmë.
Ofertat ? Kam pasur, është Anglia më e afërta që kam refuzuar. Vjet kërkova të largohesha nga Shqipëria sepse ndjeva racizëm. U lodha të dëgjoj se nuk jetoj në Shqipëri ndaj nuk ka mbështetje”, tha Veli.
Lexo gjithashtu
