Lionel Messi u largua nga PSG-ja dhe vendosi të vazhdonte karrierën e tij te Inter Miami në MLS. E ardhmja e argjentinasit u përfol gjërë e gjatë, pasi në Paris nuk ishte më një idhur për tifozët. As marrëdhënia me klubin nuk ishte më ajo që palët dëshironin dhe largimi u bë i pashmangshëm.
Në lidhje me largimin e argjentinasit ka folur edhe Kylian Mbappe. Sulmuesi francez i cili për dy vite luajti përkrah Messit do të theksonte se kampioni i botës nuk mori respektin që meritonte.
“Po flasim për lojtarin më të mirë në historinë e futbollit. Nuk është kurrë një lajm i mirë kur dikush si Messi largohet. Personalisht, nuk e kuptoj pse kaq shumë njerëz u lehtësuan sa u largua ai. Po flasim per Messin. Ai duhet të respektohet dhe në vend të kësaj nuk mori respektin që meritonte në Francë. Turp por kështu ndodhi. Ne do duhet të bëjmë gjithçka që mundemi për ta zëvendësuar atë”, përfundoi 24-vjeçari francez.
Lexo gjithashtu
