U afrua si ‘Djaloshi i Artë’, por Kristjan Asllanit nuk i është dhënë mundësia për të treguar vlerat e tij në fushën e lojës. Talenti shqiptar u transferua te Interi në verën e vitit 2022 të cilët derdhën plot 14.5 milionë euro në akrat e Empolit për shërbimet e mesfushorit.
Tashmë në sezonin e tij të dytë me zikaltërit, Asllani ende nuk është pjesë e 12-13 lojtarëve që luajnë rregullisht. Nëse për formacionin titullar ka një ‘bllokade’ nga Barella, Calhanoglu e Mkhitaryan, Asllani nuk po gjen mintua as nga stoli, me Inzagin që disa herë ka preferuar lojtarë si Gagliardini apo alternativa të tjera.
Në çdo intervistë dëgjojmë, ‘Asllani talent, Asllani duhet të presë, Asllani po mëson’, por këto janë bërë rutinë tashmë dhe duket se ‘kupa është mbushur’. Sipas Sportcafe24, në ambientin zikaltër kanë dalë zëra për huazimin e tij në merkaton e janarit.
‘Tifoz’ i cilësive të Kristjan Asllanit është Roberto de Zerbi, trajneri i Brighton në Premier League, të cilët shfaqën një interes konkret në verë. Skuadra të tjera që kanë Asllanin në listën e tyre janë Monza, Sassuolo e Empoli.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
