Antoine Griezman do t’i bashkohet Barcelonës. E përditshmja franceze “L’Equipe” zbulon se klubi katalanas ka paguar klauzolën prej 120 milionë eurosh, në mënyrë që Atletico Madrid ta lërë si lojtar të lirë. Zyrtarizimi i tij është çështje orësh dhe me sa duket telenovela e nisur gati një vit më parë, ka fund të lumtur për të dy palët.
Sulmuesi i njohur pritet të nënshkruajë një kontratë 5-vjeçare, teksa do të bashkohet me skuadrën ditën e dielë për t’u vënë nën urdhrat e trajnerit Valeverde. Kujtojmë që klubi i Atletico Madrid pati akuzuar katalanasit se kanë kontaktuar vetë futbollistin duke shkelur parimet e besueshmërisë. Por, me pagesën e 120 milionë eurove në arkat e klubit madrilen, tashmë Griezman del si një futbollist i lirë.
Loading ...
